ᕖᕝᕗᐊᕆ 7-8-9-10, 2011 ᐃᖃᓗᐃᑦ
ᑐᒃᑕᕐᕕᒃ
ᐃᓄᐃᑦ ᐅᖃᐅᓯᖏᓐᓂᒃ ᐅᖃᐅᓯᓖᑦ ᓄᓇᐃᑦ ᐅᑯᐊᖑᕗᑦ ᓄᓇᕗᑦ, ᓄᓇᕕᒃ, ᑲᓛᖦᖠᑦ, ᓄᓇᑦᓯᐊᕗᑦ ᓄᓇᑦᓯᐊᖅ ᐊᒻᒪᓗ ᐊᓛᓯᑲ.ᐃᓄᐃᑦ ᐅᖃᐅᓯᖏᓐᓂᒃ ᐅᖃᐅᓯᓖᑦ ᐅᓄᕐᓂᖅᐹᖑᕗᑦ ᓄᓇᕗᒻᒥ. 70%ᖑᔪᑦ ᓄᓇᕗᒻᒥᐅᑦ. ᐃᓄᐃᑦ ᐅᖃᐅᓯᖏᑦ ᐊᔾᔨᒌᑦᑎᐊᖏᒃᑲᓗᐊᖅᖢᑎᒃ ᓄᓇᓖᑦ ᒪᓕᒃᖢᒋᑦ, ᐃᓄᐃᓐᓇᖅᑐᓐ ᐃᓚᐅᓪᓗᓂ, ᐅᖃᐅᓯᕆᔭᐅᔪᖅ ᐅᐊᓕᓂᖅᐸᓯᖓᓂᕐᒥᐅᑕᐅᔪᓂ ᓄᓇᕗᒻᒥ. ᐃᓄᐃᓐᓇᖅᑐᓐ ᖃᓕᐅᔮᖅᐸᐃᑎᑐᑦ ᐃᓅᔨᖓᔪᑎᑐᑦ ᑎᑎᕋᐅᓯᖃᖅᐳᑦ.
ᐃᓄᐃᑦ ᐅᖃᐅᓯᖏᓐᓂᑦ ᑕᐃᒎᓯᓕᐅᖅᑏᑦ ᐱᒋᐊᖅᑎᑕᐅᓯᒪᓂᑰᕗᑦ ᐃᓄᐃᑦ ᐅᖃᐅᓯᖏᓐᓂᒃ ᓴᐳᒻᒥᒋᐊᕈᑎ ᐱᖁᔭᕐᔪᐊᖅ ᒪᓕᒐᓕᐅᕐᕕᒃᑯᑦ ᓴᖅᑭᑕᐅᑎᓪᓗᒍ. ᑕᓪᓕᒪᓂᒃ ᐃᓄᐃᑦ ᐅᖃᐅᓯᖏᓐᓂᑦ ᑕᐃᒎᓯᓕᐅᖅᑏᑦ ᑲᑎᒪᔨᖃᖃᓕᖅᐳᑦ ᐃᖅᑲᓇᐃᔭᖅᑎᖃᓕᖅᖢᑎᒡᓗ.
ᓄᓇᕗᒻᒥᐅᓕᒫᓂᒃ ᐃᓄᐃᑦ ᐅᖃᐅᓯᖏᓐᓂᑦ ᐅᖃᐅᓯᓖᑦ ᓴᐳᒻᒥᔭᐅᖁᓪᓗᒋᑦ ᓴᖅᑭᔮᖅᑎᑕᐅᕚᓪᓕᖁᓪᓗᒋᑦ ᐱᕙᓪᓕᐊᑎᑕᐅᓗᑎᒡᓗ ᐃᓕᓴᕆᔭᐅᔾᔪᑎᑖᕐᓗᑎᒡᓗ ᐃᖅᑲᓇᐃᔭᕐᕕᖕᓂ, ᐃᓄᑐᐃᓐᓇᑦ, ᑲᑐᔾᔨᖃᑎᒌᒡᕕᓂᒃ, ᓇᖕᒥᓂᖃᐅᖅᑎᓪᓗ ᓴᖅᑭᔮᖅᑎᑦᑎᑦᑎᐊᖅᑐᑦ ᓴᖅᑭᑕᐅᕚᓪᓕᖁᓪᓗᒋᑦ., ᑕᒪᓐᓇᓗᑦᑕᐅᖅ ᐃᓄᐃᑦ ᐅᖃᐅᓯᖓᑦ ᓴᐳᒻᒥᔭᐅᓂᖓᓄᑦ ᐸᕐᓇᐃᔾᔪᑎᐅᓂᐊᕆᕗᖅ ᐊᕐᕌᒍ 2020 ᐃᓄᐃᑦ ᐅᖃᐅᓯᖓᑦ ᐊᑐᖅᑕᐅᓂᖅᓴᐅᖁᓪᓗᒍ
